शिवसेनेची जोमात दिवाळी, दादरा-नगर हवेलीतून खासदारकी गाठली!
मराठी ब्रेन ऑनलाईन
ब्रेनवृत्त | दादरा व नगर हवेली
शिवसेनेच्या उमेदवार कला देलकर यांनी दादरा व नगर हवेली लोकसभा मतदारसंघाच्या पोटनिवडणुकीत मोठ्या फरकाने विक्रमी विजय मिळवला आहे. काँग्रेस व भाजपसारख्या विरोधकांना मागे सोडत शिवसेनेने महाराष्ट्राबाहेर मिळवलेला हा पहिलाच मोठा विजय आहे. कला देलकर ह्या दादरा व नगर हवेलीचे माजी दिवंगत खासदार मोहनभाई देलकर यांच्या पत्नी आहेत.
हेही वाचा 👉 मुंबई-कर्नाटक क्षेत्राचे नाव कित्तुर-कर्नाटक करणार : मुख्यमंत्री बोम्मई
कला देलकर यांनी भाजपचे महेश गावित व राष्ट्रीय काँग्रेसचे महेश धोडी यांचा संयुक्तपणे ५१,००९ मतांनी पराभव केला आहे. यामुळे एकअर्थी खासदारकीला गवसणी घालून शिवसेनेची दिवाळी जोमात साजरी होत आहे. अपक्ष म्हणून निवडून आलेले माजी खासदार मोहनभाई देलकर यांच्या निधनानंतर ही जागा रिक्त होती.
यंदाच्या सुरुवातीला फेब्रुवारी महिन्यात मोहन देलकर मुंबईतील एका खासगी हॉटेलमध्ये मृत अवस्थेत आढळले होते. त्यानंतर अलीकडेच पोटनिवडणूकीच्या पार्श्वभूमीवर कला देलकर यांनी शिवसेनेत प्रवेश केला होता.
नक्की वाचा 👉 तब्बल १२ तास चौकशी आणि शेवटी अटक!
२०१९ मध्ये झालेल्या सार्वत्रिक लोकसभा निवडणुकीत मोहन देलकर यांनी अपक्ष निवडणूक लढवून तत्कालीन भाजपचे खासदार नथुभाई पटेल यांचा ९,००० मतांनी पराभव केला होता. ते एक लोकप्रिय स्थानिक नेते होते. स्थानिक प्रशासनाच्या मानसिक त्रासामुळे मोहन यांचा जीव गेला, असा आरोपही देलकर कुटुंबीयांनी लावला होता.
दरम्यान, २०१९ मध्ये अपक्ष निवडणूक लढवण्याआधी देलकर कधीकाळी भारतीय जनता पक्ष (भाजप) व भारतीय राष्ट्रीय काँग्रेस (आयएनसी) पक्षातही कार्यरत होते.
सहभागी व्हा👉मराठी ब्रेन
अशीच विविधांगी माहिती, लेख, साहित्य, बातम्या, विश्लेषण इ. थेट मराठीत जाणून घेण्यासाठी जुळून रहा www.marathibrain.in सोबत ट्विटर, फेसबुक, टेलिग्राम, इंस्टाग्राम आणि इमेलवरून.
आम्हाला लिहा : writeto@marathibrain.in
