‘आकांत !’

सारा हा आकांत तु
कुणासाठी केला,
जे तुझे होते त्यांनाच
तु नको नकोसा झाला…|

तुला आजही ती उपमा
दिली जाते बळीराजाची,
तु आजही लाखोंचा
‘भाकरीचा बाप’ झाला…|

होत असतील कैक कावे
तुला मातीत मिळवण्याचे,
तुच रे बा! आत दुःख गिळून
त्यांचाही बाप झाला…|

सत्तेसाठी लाचार ते फक्त
आणि खुर्ची पुरते दिसतात,
जेव्हा तु मरतो तेव्हा तोच
सत्तेचा भुकेला दिसेनासा झाला…|

आत्ता काळ्या मायच्या लेका तुही
थोडा विचार केला पाहिजे,
जो तुझा होतो ना आकांत,
तो त्यांचाही तसाच पाहिजे झाला…|