‘मानसिक ताण, आत्महत्या आणि आयुष्य’

भारतात तरुणांच्या आत्महत्या व मानसिक आरोग्य हा एक गंभीर प्रश्न आहे. त्यामुळे, शालेय मुले-मुली जेव्हा ८वी अथवा ९ वीमध्ये जातात, तेव्हा त्यांना मानसशास्त्र नावाचा एक विषय ठेवण्याची गरज आहे. जेणेकरून मुलांचे प्रबोधन होईल आणि ते कोणाचं मानसिक शोषण अथवा त्यांचं कोणीही मानसिक शोषण करू शकणार नाही.

ब्रेनसाहित्य | २२ जून २०२०

‘राष्ट्रीय गुन्हे अन्वेषण विभाग’च्या अहवालानुसार भारतात प्रत्येक दिवशी २८ लोक आत्महत्या करतात. द हिंदूला प्रकाशित एका वृत्तानुसार, सन २०१८ ला १०,००० लोकांनी आत्महत्या केली, तर २०१७ ला ९,९०५ लोकांनी स्वतःहून आपला जीव दिला. पण आपल्यासारख्या सामान्य लोकांचा या घटनेकडे लक्ष तेव्हाच जाते, जेव्हा सुशांतसारखा सेलेब्रेटी आपण गमावतो आणि नंतर सुरु होतात लोकांचे मोठमोठाले लेख.

“अरे कोणाला तरी कॉल करायचा होता”पासून “कोणाला मोकळं बोलायचे असेल, तर माझ्याशी बोलत जा” इथपर्यंतचे दिखावे आणि तिथून पुढे तीन-चार दिवस हे पोस्ट वगैरे चालतात, मग बंद होतात. मग परत आपण एखादा सुशांत, भैयूज्जी महाराज, पायल तडवी असो की सागर चिंता (माझ्या जवळचा मित्र मुंबईचा) होण्याची वाट पाहत बसतो.

तुमच्या जवळचा एक मित्र असतो, जो कंपनीत दिवसाच्या सुरुवातीपासून,जेवणाच्यावेळी व प्रत्येक गोष्टीत तुमच्या सोबत असतो. कंपनी सोडल्यानंतर सुद्धा दुसऱ्या गावाला जाताना तो तुम्हाला सांगून जातो. अचानक एक दिवस दुसऱ्याकडून तुम्हाला त्याच्या कायमचं जाण्याविषयी कळते. मात्र, समोरची व्यक्ती सामान्य कुटूंबातील असल्यामुळे ना कुणी त्यांच्या जाण्यावर “त्यांनी असं का केलं” असा विचार करत नाही किंवा कोणी दुखी होता नाही. कारण ती व्यक्ती एका सामान्य कुटुंबातील असते आणि भारतात अशा सरासरी २८ घटना रोज घडतात.

आयआयटींमध्ये पाच वर्षांत ५० विद्यार्थ्यांच्या आत्महत्या !

◆◆◆

(प्रस्तुत लेखात प्रकाशित माहिती आणि विचार हे पूर्णतः लेखकांच्या हक्काधीन असून, मराठी ब्रेन व संपादक मंडळ त्या विचारांशी सहमत असेलच असे नाही.)

अशीच विविधांगी माहिती, विश्लेषण, बातम्या, साहित्य आपल्या मायबोली मराठीतून थेट जाणून घेण्यासाठी जुळून राहा www.marathibrain.com सोबत ट्विटर, फेसबुक, टेलिग्राम, इंस्टाग्राम आणि इमेलवरून.

आम्हाला लिहा writeto@marathibrain.com वर.

Subscribe on Telegram @marathibraincom